احبك
هى اصدق كلمه ممكن اى حد يقولها فى الكون بس خلى بالك انت حتسمع احبك رقم كام فى دول؟
اول احبك:مكسوفه اوى وانا بقلها وشى احمر وباصه للارض نفسى تنشق وتبلعنى دلوقتى وحاسه بكل حرف فى الكلمه دى حاساااااه اوى اكيد حبيبي بيحبنى زى مابحبه
**********************
تانى احبك:مكسوفه انى قلتها كان المفروض اتقل عليه شويه يقول عليا ايه دلوقتى يالا حبقى اعيش فيها دور المؤدبه بعد كده
***********************
تالت احبك:بقلها وانا ببص للارض قال يعنى مكسوفه وبطرف عينى ابص على عنيه والفرحه اللى فيها عبيط حاسه انى حفطس من الضحك بس يالا مش هوا اللى عايزنى اقلها بس يارب يحاسب على الغدا انا حعزم بقلب جامد بس اكيد مش حياخد ولا انتوا شايفين ايه؟
*********************
رابع احبك:اوف والله لقله بحبك عشان يخرس ويغور باه انا مستانيه مكالمه مهمه الواد احمد بتاع تجاره حيكلمنى بس البأف ده ممكن يجي يخطبنى اهو على الرف
************************
خامس احبك:شويه ويمشى بس فستان خطوبتى ده يجنن ان شاء الله يفسحنى بكره بس اخته متغلسش وتيجي وممكن ابقى ادلع عليه واخليه يجبلى الدب الاحمر الحلو اللى عند المحل اياه
**************************
احبك
ضاعت احبك بس ياترى مين اللى ضايعها؟؟؟؟؟؟؟؟؟؟؟؟؟؟؟؟
الاشتراك في:
تعليقات الرسالة (Atom)
هناك 3 تعليقات:
لية يابنتى الكابة دى
لية باصة أن أول كلمة احبك هى بس اللى حلوة بكل مشاعرها
فى ناس اعرفهم عدوا الخمسين سنة وكل مرة بيقولوها بأحساس جميييل قوى.. أحبك مش مجرد كلمة بتتقال بالشفايف واللسان ممكن تتقال كلمة أحبك بنظرة أو بتصرف او حتى بأحساس من غير اى حاجة
الحب جميل جدا اوعى تفتكرى انة بيقل من مرة للتانية
انا رغاى قوى ... بس بقالى كتير موووت مكتبتش تعليقات كدة
تحياتى
طبعا يااباصيرى انت تعليقك شرف ليا اهو ح عبر المدونه بس على فكر اللى انا كتباه ده م كلام ده للاسف حقققققيه ومعظم الولاد ميعرفوهاش وانا قررت افضح البنات عموما
على فكره يااباصيرى انا اقصد البنت فى كل مراحل الحب يعنى اول واحد تعرفه لحد الاخير اللى بتتجوزه
إرسال تعليق